Dafina publikon video me Atifete Jahjagën në TikTok, dyshja argëtohen nën ritmet e këngës “NANA”

Uncategorized

Dafina publikon video me Atifete Jahjagën në TikTok, dyshja argëtohen nën ritmet e këngës “NANA”

Këngëtarja e njohur dhe e dashur për publikun, Dafina Zeqiri, është takuar me gruan që vite më parë drejtonte Republiken e Kosovës.

Bëhet fjalë për presidenten e parë femër shqiptare, Atifete Jahjagën, njëherësh edhe themeluese të fondacionit “Jahjaga Foundation”, shkruan “Kosovarja”.

Artistja duket se ka kaluar një takim miqësor me ish-presidenten, derisa është shfaqur e veshur elegante me një kostum të hirtë.

E veçanta e kostumit është se quhet “Pranverë”, i cili është krijuar nga Atifetja dhe është pjesë e kampanjës së saj më të re, të titulluar “One in Three”.

Me anë të shitjes së këtyre kostumeve, fondacioni i Jahjagës ka për qëllim fuqizimin ekonomik të grave në fushën e rrobaqepësisë.

Kështu këngëtarja Zeqiri ka publikuar në Instagram disa fotografi nga takimi i dyshes ku duket se janë ndarë të lumtura me bisedën e tyre.

Leave a Reply

Your email address will not be published.